Сарсыарда радиопередачаттан саҕаланан, үөрүүлээх парад,
«Өлбөт үйэлээх полк» хааман кыайыы монуменыгар тиийдилэр.
Үөрүүлээх миитиҥҥэ баһылык А. П. Захаров тыыл бэтэрээммитигэр, сэрии сылын оҕолоругар дойдубут бэрэсидьиэнин В. В. Путин аатыттан кыайыы мэтээлин, бэлэҕин туттарда. Кыайыы туһа диэн олохторун, эдэр, оҕо саастарын толук уурбут ытык дьоммутугар, кинилэр сырдык ааттарыгар сүгүрүйэн, махтанан элбэх тыл этилиннэ, чуумпуран, иһийэн туран ахтан санаан аастыбыт.
Кыайыы оһуокайын оҕолуун, кырдьаҕастыын илии-илии ылсан, төгүрүйэн өрө көтөҕүүлээхтик, чыамайыкылыы тэтимнээхтик оһуокайдаатыбыт.
Салҕыы оҕолор уонна улахан дьон строевой хаамыы күрэҕэр олус дьоһуннаахтык бэлэмнэнэн, таҥас, форма тиктэн күрэхпит таһымнаахтык ааста.
Ону таһынан, «Кыайыы вальса» флешмоб, «Саллаат хааһыта» акциялар ыытылыннылар.
Салҕыы ытык дьоммутугар сандалы остуол тэрилиннэ, Аҕа дойду сэриитин кыттыылааҕа Филиппов И. Н. төрөөбүтэ 110 сылыгар аналлаах быыстапка арыллыыта буолла.
Киэһэ «Саха КИДС» театр-студия оҕолоро театрализованнай дьүһүйүү көрдөрдүлэр, ол кэннэ сэрии кэминээҕи ырыа дьоро түһүлгэтэ, «Өйдөбүнньүк чүмэчи’ акция ыытылыннылар.
Кыайыыны уһансыбыт биир дойдулаахтарбытыгар, эһэлэрбитигэр, эбэлэрбитигэр махталбыт, өйдөбүлбүт хаһан да уостубатын. Ким да умнуллубат!🚩 Туох да умнуллубат!🚩