Тохсунньу 28 күнүгэр, В.В. Местников аатынан Култуура сайдыытын киинигэр улууспут култуура бэтэрээннэрин, үлэһиттэрин түмэн «Мэҥэ Хаҥалас киэн туттуута – кыайыыга кынаттыыр култуурата!» култуура сылын арыйар үөрүүлээх тэрээһинэ ыытылынна.
Бу күн 2026 сылга тэриллэр уопсастыбаннай суолталаах тэрээһиннэри ыытыыга улуус бары култуура тэрилтэлэрин икки ардыларыгар тус үбүлээһини ылыыга анаммыт социокультурнай бырайыактары көмүскээһинтэн саҕаланна. Манна 27 бырайыактан биһиги нэһилиэктэн культорганизатор Ольга Захарова ««Кыбытык» театр для души» бырайыагынан 5 кыайыылаах ахсааныгар киирэн 60.000 солк. ылары ситистэ👏
Үөрүүлээх чааска СӨ култуураҕа уонна духуобунай сайдыыга миниистирэ Афанасий Ноев, Ил Түмэҥҥэ норуот дьокутаата Андрей Находкин, оройуон дьокутааттарын Сэбиэтин бэрэссэдээтэлэ Иннокентий Андросов, улууспут култуураҕа уонна духуобунай сайдыыга салалтатын салайааччыта Анна Исакова эҕэрдэ тылларын анаатылар.
Тэрээһин көлүөнэлэринэн эҕэрдэ кэнсиэр дьоро киэһэтинэн, бырааһынньыктааҕы фуршетынан түмүктэннэ.