Үгэс быһыытынан, кыайыы былааҕын, сибэкки дьөрбөлөөх корзиналары С. Н. Михайлов аатынан орто оскуола быйылгы выпускниктара (кыл. сал. Лугинова И. А.) тутан колоннаҕа бастакынан хаамтылар.

«Ким да умнуллубат! Туох да умнуллубат!» миитиҥҥэ нэһилиэк баһылыга Александр Захаров, аҕам саастаахтар салайааччыта Анна Архипова эҕэрдэ тылларын эттилэр,
Анна Ивановна Гавриил Ефимов «Көрсүһүү» хоһоонун олус долгуйан туран иэйиилээхтик ааҕан иһитиннэрдэ.

Быйылгы тэрээһиҥҥэ С. Н. Михайлов аатынан оскуола оҕолоро кылааһынан «Классика Победы» акцияҕа кыттан, ырыа, хоһоон туруорбуттарын көрдөрдүлэр🎶🎼
Бырааһынньык 2с чааһыгар В. И. Кононов аатынан «Тамма» култуура киинигэр Улуу Кыайыы 80 сылыгар аналлаах улуус үрдүнэн 32 томнаах кинигэттэн «Чыамайыкы нэһилиэгэ сэрии сылларыгар» 32-с тома — кинигэ сүрэхтэниитэ буолла. Кинигэ тахсарыгар үлэлээбит комиссия, салайааччы, библиотекарь Саргылана Романова, Антонина Филиппова, Елена Голомарева, Надежда Васильева, Дария Романова, Прасковья Попова олус элбэх саҥа даннайы булан сүҥкэн үлэни ыыппыттар. Нэһилиэк баһылыга Захаров А. П. үлэлээбит комиссияҕа махтал суруктары туттарда, ону таһынан кинигэ тахсарыгар туһаныллыбыт архив матырыйааллары хомуйан хаалларбыт биир дойдулаах дьоммутугар, кинилэр оҕолоругар махтал сурук туттардылар.

Ытык дьоммут ааттарын үйэтитэр, көлүөнэ ситимин бөҕөргөтөр, кэлэр кэнчээри ыччакка өйдөтөр, сырдатар Улуу Кыайыы бырааһынньыга өрүү даҕаны маннык түмсүүлээхтик, тэрээһиннээхтик, өрө көтөҕүүлээхтик ыытылларын ситиһиэххэйиҥ!  Кыайыыны уһансыбыт аҕаларбыт, эһэлэрбит-эбэлэрбит ааттара хаһан да умнуллубатын!
От Александры Васильевой