Муус устар 8 күнүгэр «Чөмчүүк» түмсүү ыҥырыытынан Өрөспүүбүлүкэҕэ киэҥник биллэр спортивнай комментатор, суруналыыс, коллекционер Васильев Александр Васильевич — Көрдүгэн ыалдьыттаата. Кини 1983 сылтан Саха сирин значоктарын мунньан 6000-тан тахса буолбута сөхтөрдө.
«Чөмчүүк» түмсүүгэ бэйэлэрин баҕаларын биллэрэн быйыл коллекционердар эбиллэммит 20 буоллубут. Ыалдьыппыт Александр Васильевич барыбытыгар кэһиилээх кэлэн, кими да матарбакка харчы мунньааччыларга араас дойду харчыларын, уруучука, открытка, значок, олохтоох библиотекаҕа кинигэлэри бэлэх уунна. Олус истиҥ иһирэх көрсүһүү буолан ааста. Александр Васильевич «Чөмчүүк» түмсүүнү кытта инникитин да билсиэх, баай коллекциятын, өссө атын значоктарын аҕалан көрдөрүөх буолла.
Саргылана Романова, олохтоох бибилэтиэкэр, «Чөмчүүк» түмсүү чилиэнэ.