Быыстапка арыллыыта ыам ыйын 8 күнүгэр ыытылынна. Сиэнэ Александра Васильева быыстапкаҕа Чыамайыкы нэһилиэгин историятын, 6 аҕа уустарын, биир дойдулаахтарбыт биографияларын, сэрии, тыыл бэтэрээннэрин ахтыыларын уо. д. а. архыып матырыйааллары көрүөххүтүн сөп диэн билиһиннэрдэ. Быыстапка туруоруутугар күүс-көмө буолбут библиотека , кулууп салайааччыларыгар Романова С. П., Максимова Д. Г., ону таһынан тиэйиитигэр көмөлөспүт Иванов С. В., Захаров П. Н. махтал суруктары туттарда. Сэрии сылын оҕолоро, нэһилиэк аҕам саастаахтара ыалдьыттаатылар, ахтан санаан аастылар. Быраата, сэрии сылын оҕото, нэһилиэкпит ытык кырдьаҕаһа Куприянов Е. Е. олус истиҥ тыл эттэ, ахтыы оҥордо. Аймаҕа, балта, төрүт култуураҕа учуутал Филиппова А. П. эмиэ олус истиҥник ахтан ааста, төрүччү туһунан сырдатта, Филипповтар удьуордарыттан 12 бырааттыы-убайдар сэриигэ барбыттарын кэпсээтэ.
Филиппов И.Н. нэһилиэк туһа үлэлээбит сыратын, сүҥкэн оруоллаах архыып докумуоннарын дьоҥҥо-сэргэҕэ сырдатар, билиһиннэрэр быыстапката үрдүк суолталаах, үтүө түмүктээх буолуо диэн оҕолоро, сиэннэрэ эрэнэллэр.