Ыһыах арчылааһынтан, алгыс сиэриттэн-туомуттан саҕаланна, нэһилиэкпит ытык дьоно Егор Егорович Семенов алгыстаата, тойугунан туому ситэрэн биэрдэ Раиса Афанасьевна Брызгалова. Ол кэннэ үөрүүлээх чааһа. Наҕараадалааһын буолла, нэһилиэкпит ытыктанар, үлэһит дьонугар улуус, нэһилиэк махтал суруктара, бочуоттаах олохтооҕо ааттар, үбүлүөйдээх саастаахтарга эҕэрдэ суруктар туттарылыннылар. Ону таһынан, сыл түмүгүнэн бастыҥ эдэр ыччаттарга баһылык махтал суруктара туттарылыннылар. Салҕыы эҕэрдэ ырыалар, «ТОЛБОННУРАР УҺУН СУҺУОХ» күрэх, оҕолорго спортивнай күрэхтэр ыытылыннылар. Ону таһынан,
🔸»ДОЙДУМ КИЭН ТУТТУУТА — ЧЫАМАЙЫКЫМ ОҺУОХАЙА» оһуохай ааптардарын күрэҕэ. Кыайыылаах оһуохай түһүлгэтэ👫👫👫
🔸 «ДОЙДУ ДЬОНУНАН СУРАҔЫРАР» бырайыак иһинэн ыытыллар Анна Петровна, Егор Григорьевич Максимовтар ааттарынан «ФЕРМЕР» эр дьоҥҥо күрэх
🔸»ЭР БЭРДЭ» многоборье 🏃🤼‍♂️ курдук сүрдээх улахан бириистэрдээх сонун күрэхтэр ыытылыннылар👏 Кыайыылаахтар спонсордар туруорбут харчынан бириистэри туттулар, ол курдук оһуохай айааччыларын күрэҕэр Раиса Афанасьевна Брызгаловаҕа нэһилиэкпит оһуокайдьыта Евдокия Павловна Куприянова аатынан оҕолоро, сиэннэрэ туруорбут 10.000 солк. уу харчынан, «Фермер» күрэххэ кыайыылаах Петр Захаровка Анна Петровна, Егор Григорьевич Максимовтар ааттарынан оҕолоро, сиэннэрэ туруорбут 30.000 солк. уу харчынан, «Эр бэрдэ» күрэх кыайыылааҕар Иванов Айаал Ильичкэ Софья Петровна, Афанасий Николаевич Захаровтар ааттарынан оҕолоро , сиэннэрэ туруорбут DNS маҕаһыынтан 10.000 солк. сертификатынан наҕараадаланнылар👏
Киэһэтин «Саха Кидс» театр -студия толоруутугар 🔸»Сулус уонна Бэргэн» театрализованнай дьүһүйүү🎭 премьерата буолла🎭
Уонна «ЫҺЫАХ БЭЛЭҔЭ» сүүйүүлээх оонньуу ыытылынна, сүрүн бирииһи 30.000 солк. уу харчынан администрация эдэр специалиһа Василий Захаров сүүйдэ👏🎁🛍️
Түмүккэ «Үҥкүүлүүр үрүҥ түүн» дискотека буолла🪩🌿