Сэтинньи 29 күнүгэр, В. И. Кононов аатынан «Тамма» култуура киинигэр олоҥхо уонна хомус нэдиэлэтин түмүктүүр үөрүүлээх тэрээһинэ буолан ааста. Тэрээһин чэрчитинэн, «Дьулуруйар Ньургун Боотур» ойуулугу көрүү, олоҥхону аныгылыы толорууну экраҥҥа көрүү, оҥоһуллубут фотозонаҕа хаартыскаҕа түһүү, хомуска маастар- кылаас буоллулар. Маастар-кылааһы ыытта Өрөспүүбүлүкэтээҕи «Муус устар» ыччат бэстибээлин хомус күрэҕин финалиһа Вячеслав Перевалов. Вячеславка өрүү көхтөөх кыттыытын иһин, «Тамма» култуура киинин аатыттан махтал сурук туттардыбыт. Ол кэннэ Чыамайыкылыы оһуохайынан түмүктэннэ. Кэлбит дьон ирэ-хоро, астына чыамайыкылыы ойутуулаахтык, ньиргиэрдээхтик оһуохайдаатыбыт. Кэлбит дьоммутугар махтал буоллун!