Сэтинньи 7 күнүгэр Чурапчы улууһун, Одьулуун нэһилиэгэр Тимофей Гаврильевич Тоскин аатынан «Сайдыс» норуот айымньытын дьиэтигэр Бастакы Илин Эҥэрдээҕи «Бастыҥ уус-уран салайааччы» күөн-күрэс үрдүк таһымнаахтык түмүктэннэ🥳🥳🥳 Барыта 10 уус — уран салайааччы заявка биэрэн күрэс олус интэриэһинэй, бииртэн — биир саҥа талаан, саҥа нүөмэр уонна кыттааччыларга улахан уопут буолла👏☺️ Биһиги нэһилиэктэн В. И. Кононов аатынан «Тамма» култуура киинин уус-уран салайааччыта Васильева Александра Михайловна кыттыыны ылла, үлэтин-хамнаһын, нэһилиэгин туһунан сырдатта, биллэрдэ👏 Бырайыакка ийэтин Федорова Анна Ивановна аатынан «Алаас кыыһа» күрэҕи кэпсээтэ, «Ситиһии төрдө» бөлөҕүнэн түһүмэххэ 2019 сыллаахха туруорбут А. И. Софронов-Алампа «Олох оонньуура» испэктээкилтэн быһа тардыы көрдөрдүбүт. Манна коллегалара, күтүөтэ Афанасьев А. Н. өйөөннөр олус ситиһиилээхтик кытыннылар. Түмүккэ, «Тыа сирин култууратын айымньылаах үлэһитэ» анал ааты ылары ситистэ, сыаналаах бэлэҕинэн наҕараадаланна, ону таһынан үлэлиир кэлэктиибэ уонна аймахтара Федоровтар бэлэх туттардылар💐🤗 Бу курдук, үрдүк таһымнаах, сонун, чаҕылхай конкурс буолла, Кылаан кыайыылаах Амма Болугуруттан М. А. Ноговицын аат. култуура киинин уус-уран салайааччыта Платонова Евдокия Васильевна буолла💐👏