В. К. Степанов аатынан 69-с култуура уонна спорт эстафетатын уус-уран оҥоһуктар быыстапката быйыл уратытык ыытылынна. Ол курдук, бары нэһилиэктэр кулун тутар 13 күнүгэр Аллараа Бэстээххэ «Парус» спорткомплекска дьон-сэргэ бары көрүүтүгэр үлэлэрин туруордулар. Биһиги нэһилиэк быыстапката уопсайа 4.06 баалга сыаналанна, лауреаттарынан норуот маастара Екатерина Соловьева төрүт таҥастары тигиитэ, Акулина Зыкова, Светлана Федорова сөрүө үлэлэрэ, «Туойаана» туостар түмсүүлэрэ (сал. Максимова Д. Г.), Мэҥэ-Хаҥалас мастер-умелец , биир дойдулаахпыт Петр Аргунов тимир оҥоһуктара, Антонина Филиппова туоһунан ыаҕайата буоллулар 👏💐💐💐 Дипломант аатын «Сүүтүк» түмсүү (сал. Николаева В. В.) хаттык таҥастары тигиитэ, Татьяна Дьячковская хаттык таҥаһа, Пелагея Никитина, Надежда Васильева, Анна Готовцева «Байанай» түүлээхтэн панно үлэлэрэ, «Сыахай» куукулалар түмсүүлэрэ (сал. Попова П. Н.) уонна оскуола коллектива кыбытык тигиитэ буоллулар👏💐💐💐 Нэһилиэкпит уран тарбахтаах, илиилэригэр талааннаах уус дьоммутугар бука барыгытыгар итии-истиҥ эҕэрдэ уонна махтал буолуохтун!