Манна түөлбэнэн күрэхтэр:
Спортивнай эстафета уонна канат тардыһыыта буолла. Икки күрэх түмүгүнэн, саамай бэлэмнээх «Тамма» түөлбэ кыайары ситистэ (сал. Саргылана Романова), 2 миэстэ «Чолбон» түөлбэ (сал. Нарыйа Илларионова), 3 миэстэ «Аартык» (сал. Александра Васильева) уонна 4 миэстэ «Ньыкыы» (сал. Аграфена Дьячковская) буоллулар.
Биирдиилээн күрэхтэр: сыал ытыы🎯тоҥуу хаарынан сүүрүү🏃‍♂️🏃‍♀️ күрэхтэрэ ыытылыннылар. Салгын саатынан ытыыга эр дьоҥҥо Айаал Иванов, дьахталларга Анна-Мария Иванова, оҕолорго Герман Федоров кыайыылаах буоллулар, тоҥуу хаарынан сүүрүүгэ эр дьоҥҥо Афанасий Дьячковскай, дьахталларга Саргылана Романова, оҕолорго Арылхан Захаров кыайары ситистилэр. Оскуола оҕолорун иһигэр сүһүөхтэринэн «Дорообо, сандал саас🌞» фотозона күрэҕэ ыытылынна, түмүккэ 1 миэстэ 9-11 кылаастар, 2 миэстэ 5-8 кылаастар, 3 миэстэ 1-4 кылаастар буоллулар, бары бириистэринэн наҕараадаланнылар.
Ону таһынан, аттракционнар шашлык🍢плов🍚 эҕэрдэ кэнсиэр🎤🎼🎶 араас оонньуулар буоллулар. Дьон-сэргэ, оҕо аймах мустан, кырыа кыһыммытын атааран, сандал сааспытын үөрэ-көтө көрүстүбүт. Тэрээһини култуура киинэ, спортсовет, оскуола тэрилтэтэ кыттыһан ыыттыбыт, дьаһалта, спортсовет бириистэринэн спонсордаата.
🌞🚩🌞🚩🌞🚩🌞🚩🌞🚩