Алтынньы 3 күнүгэр оскуола уонна уһуйаан үлэһиттэригэр идэлээх бырааһынньыктарын тэрийдибит, бырааһынньык «Гламур» тиэмэлээх ыытылынна🪩 Оонньуу арааһа, ырыа тойук, үҥкүү-битии, муода конкурса, көрдөөх видеолар, эҕэрдэлэр буоллулар.🎼💐 Тэрээһин устата көхтөөх кыттааччыларбытыгар «5» сыананы туруоран истибит, саамай элбэх «5» ылбыттар бэлэҕинэн наҕараадаланнылар. Профсоюз туруорбут супер-бирииһи ох саа куруһуогун салайааччыта Куприянов Егор Евсеевич сүүйдэ👏 Оскуола, профсоюз, уһуйаан салайааччылара үлэһиттэригэр грамоталары, махтал суруктары туттардылар. Биир бэлиэ түгэнинэн, оскуола коллектива урут үлэлээн ааспыт бэтэрээн учууталларбытын искусственнай интеллект нөҥүө тыыннааҕымсытан көрдөрбүттэрэ буолла. Оскуола, уһуйаан коллективтара бэйэ бэйэлэрин эҕэрдэлэһэн ырыа, үҥкүү нүөмэрдэрин көрдөрдүлэр👏🎤🎼 Бэлэмнээбит «Гламур» фотозонабытыгар хаартыскаҕа түстүлэр🪩📸 Бырааһынньык өрө көтөҕүүлээхтик, сэргэхтик ааста, бары үөрэн-көтөн астынан тарҕастылар👏👍😍🤩 Оҕону иитэн-үөрэтэн таһаарар сыралаах, кэскиллээх үлэҕит өрүү үтүө түмүктэрдээх, үрдүк көрдөрүүлээх буоллун💐💐💐