Ол туһунан Чыамайыкы «Чөмчүүк» түмсүү тэрийээччитэ Елена — Чысхаана Архипова санаатын үллэстэр: «Дьэ бүгүн Эмискэ олус сэргэх, истиҥ тэрээһин буолан ааста 👏👏👏❤️
Эмистэр үөрэ-көтө ытыс үрдүгэр түһэрэн көрүстүлэр. Ырыа-тойук бөҕөлөр, тугу мунньан саҕалаабыттарын аҕалан көрдөрдүлэр, хардарыта опыт атастастыбыт, бэлэх бэлэхтэстибит. Былааннаабыппыт курдук, барыта сатанна. Биһиги олус астынан, дуоһуйан, эмистэрбитигэр махтанан лоп-бааччы 17 чааска түмүктээн тарҕастыбыт. Иһирэхтик кэпсэтэн, хардарыта тугу мунньарбытын кэпсээн-көрдөрөн олус да астык сырыы буолла. Аны Чөмчүүктэр Эгэлгэлэрбитин күүтэбит! Тоҕоостоох түгэн тосхойдор эрэ Күннээх Чыамайыкы эһигини күүтэр диэн сылаас тыллардаах, махтал санаалаах дойдулаатыбыт. «Кус тумса» оонньуубутун сэргээтилэр, онон эмистэр сааскы кустан саҥа сахалыы айылҕа оҕолорун оонньуутун оонньуохтара диэн үөрэбит, эрэнэбит.
Махтанабыт Анна Ильиничнабытыгар, биир дойдулаахпытыгар, чөмчүүкпүтүгэр, махтанабыт олохтоох администрацияҕа, кулуупка, библиотекаларга уонна хас биирдии коллекционерга. Эгэлгэлэр мунньуулара хаҥыы турдун!»